काठमाडौं । राष्ट्रिय प्रजातन्त्र पार्टी (राप्रपा) भित्र देखिएको नेतृत्व विवादका सन्दर्भमा निर्वाचन आयोगले अध्यक्ष राजेन्द्र लिङ्देनको पछिल्ला निर्णयबारे स्पष्टिकरण मागेको छ।
राप्रपा अध्यक्ष लिङ्देनले अनुशासन समितिका संयोजकको पदबाट पदमुक्त गर्दै रोशन कार्कीलाई नयाँ संयोजक नियुक्त गरेका थिए। त्यसका साथै, उपाध्यक्ष मुकुन्दश्याम गिरीलाई समेत पदमुक्त गरिएको थियो। गिरीले सुवेदीलाई पद यथावत राख्नुपर्ने मागसहित विज्ञप्ति सार्वजनिक गरेका थिए। प्रवक्ताबाट सगुन लावतीलाई हटाइएको थियो।
यी निर्णयहरूविरुद्ध असन्तुष्ट समूह २९ असारमा निर्वाचन आयोग पुगेको थियो। अध्यक्ष लिङ्देनले गरेको निर्णय बदरको माग गर्दै आयोगमा निवेदन दर्ता भएको हो।
उक्त घटनाक्रमपछि आयोगले यस विषयमा स्पष्टिकरण माग्दै राप्रपाका अध्यक्ष लिङ्देनलाई पत्राचार गरेको हो। आयोगले आन्तरिक संरचना र पदाधिकारी परिवर्तन सम्बन्धी पार्टी विधान र कानुनी व्यवस्था अनुसार निर्णय भएको हो वा होइन भन्ने विषयमा जानकारी मागेको जनाइएको छ।
