काठमाडौं । बागमती प्रदेशका मुख्यमन्त्री बहादुरसिंह लामा आज पदबाट राजीनामा दिने भएका छन्। नेपाली कांग्रेस बागमती संसदीय दलको नेतामा पराजित भएका लामाले पार्टी नेतृत्वको निर्देशनपछि पद त्याग गर्न लागेका हुन्।
नेपाली कांग्रेसका सभापति शेरबहादुर देउवाले इन्द्रबहादुर बानियाँलाई नयाँ मुख्यमन्त्री बनाउन मार्गप्रशस्त गर्न निर्देशन दिएपछि लामाले राजीनामा दिने निर्णय गरेका हुन्।
साउन १३ गते भएको संसदीय दलको निर्वाचनमा बानियाँले लामालाई पराजित गरेका थिए।
शनिबार बिहान भएको छलफलमा देउवाको निर्देशनमा बुढानीलकण्ठ पुगेका लामा र बानियाँबीच सहमति जुटेको कांग्रेस प्रदेश संसदीय दलका उपनेता रामकृष्ण चित्रकारले जानकारी दिए।
