काठमाडौं । गायक राजेश राईले नयाँ म्युजिक भिडियो माया लाउन मिल्ला कि नमिल्ला ल्याएका छन् । यसअघिका आफ्ना दर्जनौं गीत दर्शक माझ ल्याएका गायक राजेशले यो पटक ’ चाइनेजो अर्थात माया लाउन मिल्ला कि नमिल्ला’ बोलको गीत सार्वजनिक गरेका हुन् ।
सिगिङ सुपर स्टार सिजन–१ नामक रियालिटी शोका विजेता रहेको राजेश राईका ञतोडियो तोडियो’ ‘कालो कालो’ ’अर्खौले बजार’ सहितका गीत दर्शक र स्रोताले निकै मन पराएका थिए। चाईनेजो अर्थात माया लाउन मिल्ला कि नमिल्ला पनि दर्शक र स्रोताले रुचाउने गायक राजेशको अपेक्षा छ ।
गीतमा दुर्लभ जन्तरेको शब्द, अनिल कोयी राईको संगीत र आशिष अविरलको संगीत संयोजन अनि ध्वनी मिश्रण रहेको छ । भिडियोलाई दुर्लभ जन्तरेले निर्देशन गरेका छन् । भिडियोमा कमल सिंह र प्रिजमा खतिवडाको निकै उत्कृष्ट अभिनय देख्न सकिन्छ । ज्ञानेन्द्र शर्माको छायांकन, सन्तोष राजबाहकले सहायक निर्देशन तथा नृत्य निर्देशन गरेका छन् भने सम्पादनको काम विकाश दाहालको रहेको छ ।
