काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ । दुई नेताबीच जारी भेटवार्तामा समसामयिक राजनीतिक घटनाक्रम तथा सरकार सञ्चालनलगायतका विषयमा छलफल भएको छ ।
ओलीले आज बिहान प्रचण्डसँग फोन वार्ता गरेर उनीसँग छलफलका लागि सिंहदरबार पुगेका हुन् । यसअघि शनिबार नेपाली कांग्रेसका सभापति शेरबहादुर देउवासँग लामो छलफल गरेका ओलीले त्यसको भोलिपल्ट प्रचण्डसँग छलफल गरेका हुन् ।
यसअघि ओलीले कांग्रेस सभापति देउवासँग आफ्नै निवासमा शनिबार करिब २ घण्टा कुराकानी गरेका थिए ।
