काठमाडौं । रोटरी क्लब अफ गोंगबुको १०औं पदस्थापन समारोह सम्पन्न भएको छ । १७ अगष्टका दिन रोटरी इन्टरनेशनल डिस्ट्रिक्ट ३२९२ नेपािल भूटानका डिस्ट्रिक्ट गभर्नर इलेक्ट बिष्णु बहादुर कार्कीको प्रमुख आतिथ्यता, डिस्ट्रिक्टका अधिकारी, अन्य क्लबका आमन्त्रित अतिथि रोटरियन, क्लब पदाधिकारी तथा सदस्यहरु, रोट्रयाक्टर तथा अन्य पारिवारिक सदस्यहरुको उपस्थितिमा सो कार्यक्रम सम्पन्न भएको हो ।
कार्यक्रममा उपस्थिति प्रमुख अतिथि डिस्ट्रिक्ट गभर्नर इलेक्ट विष्णु बहादुर कार्की लगायतका अतिथिहरुले क्लबको यो रोटा वर्षको नेतृत्वलाई बधाईका साथै सफल कार्यकालको शुभकामना व्यक्त गरेका थिए ।
कार्यक्रममा रोटरी क्लब अफ गोंगबुलाई नेपालको रोटरी परिवारमा एक गतिशिल क्लबका रुपमा स्थापित गर्नका लागि क्लबको सम्पूर्ण टिम पूर्ण एकताका साथ लाग्ने प्रतिवद्वता क्लबका पदाधिकारीहरुले जनाएका थिए ।
क्लबले यो रोटा वर्षमा मानविय सेवामा काममा अझ सघन रुपमा आफुलाई समर्पित गर्ने लक्ष्य राखेको बताउँदै त्यसका लागि क्लबभित्र र बाहिर सबैतिरवाट सहयोग, साथ र समर्थन प्राप्त हुने विश्वास आफुले लिएका क्लबका अध्यक्ष राजाराम फुयाँलले बताएका थिए ।
‘हामी सामूहिकतामा विश्वास गर्छों, हाम्रा लक्ष्य प्राप्ति हाम्रा सामूहिक प्रयासहरुमा निर्भर हुनेछन, सबैलाई संस्थाप्रति अपनत्व महशुश हुनेगरि समेटेर अगाडि बढने मेरो इमान्दार प्रयत्न हुनेछ,’ अध्यक्ष फुयाँलले भने ।
डिस्ट्रिक्ट गभर्नर र रोटरी इन्टरनेशनल अध्यक्षको मार्गदर्शनलाई आत्मसाथ गरेर अगाडि बढने र क्लबले आफ्नो स्रोत, सामाथ्र्य र शक्तिले भ्याएसम्म समुदायको आवश्यक्ता अध्ययनका साथै समाधानको इमान्दार प्रयत्न गर्ने अध्यक्ष फुयाँलले बताए । कार्यक्रममा थप नयाँ तीन सदस्यको इन्डक्सन गरिएको थियो ।
