काठमाडौं। इन्टरनेट सेवा प्रदायक कम्पनी क्लासिक टेकले नयाँ ग्राहक आकर्षित गर्न इन्टरनेट स्पिड बढाएर नयाँ अफर सार्वजनिक गरेको छ।
कम्पनीले नयाँ जडान गर्ने ग्राहकका लागि यसअघि उपलब्ध १०० एमबिपिएसको प्लानलाई बढाएर १२५ एमबिपिएस बनाएको हो। यसका लागि ग्राहकले मासिक ५५३ रुपैयाँ तिर्नुपर्नेछ।
कम्पनीको नयाँ अफरअनुसार ग्राहकले पुरानै मूल्यमा २५ एमबिपिएस थप स्पिड पाउनेछन्। इन्टरनेट बजारमा ग्राहकलाई आकर्षित गर्न सेवा प्रदायकहरूबीच स्पिड, मूल्य र अतिरिक्त सुविधामा प्रतिस्पर्धा बढिरहेका बेला क्लासिक टेकले पनि नयाँ जडानतर्फ केन्द्रित हुँदै यस्तो अफर ल्याएको हो।
अफरअन्तर्गत नयाँ ग्राहकले वाइफाई सिक्स राउटर समेत पाउनेछन्। यसले उच्च गतिको इन्टरनेटसँगै नयाँ पुस्ताको वाइफाई प्रविधि प्रयोग गर्ने सुविधा उपलब्ध गराउने कम्पनीको दाबी छ।
कम्पनीका अनुसार पछिल्लो समय घर तथा कार्यालयमा इन्टरनेटको प्रयोग बढ्दै जाँदा उच्च स्पिडको माग पनि बढिरहेको छ। भिडियो स्ट्रिमिङ, अनलाइन गेमिङ, स्मार्ट डिभाइस तथा एकैपटक धेरै डिभाइसमा इन्टरनेट प्रयोग गर्ने प्रवृत्तिलाई लक्षित गर्दै प्लान अपग्रेड गरिएको कम्पनीले जनाएको छ।
क्लासिक टेकले सन् २०२१ देखि नै ग्राहकलाई वाइफाई सिक्स प्रविधिसहितको राउटर उपलब्ध गराउँदै आएको छ। नयाँ अफरमार्फत नयाँ ग्राहकलाई सुरुवाती जडानमै उच्च स्पिड र आधुनिक वाइफाई प्रविधि उपलब्ध गराउन खोजिएको कम्पनीको भनाइ छ।
