काठमाडौं । नेपाल स्टक एक्सचेन्ज (नेप्से) मा सूचीकृत सात वटा कम्पनीले लाभांश पारित गर्न आज पुस २८ गते वार्षिक साधारणसभा आयोजना गर्दैछन्। यी कम्पनीहरूले नगद तथा बोनस शेयर वितरणसम्बन्धी प्रस्ताव साधारणसभामा पेश गर्ने छन्। सभा फरक–फरक स्थान र समयमा बस्ने तय भएको छ।
नबिल बैंक लिमिटेडले प्रस्ताव गरेको १२.५ प्रतिशत नगद लाभांश पारित गर्न काठमाडौंको भद्रकालीस्थित त्रिभुवन आर्मी अफिसर्स क्लबमा बिहान ११:१५ बजेबाट ४१औँ वार्षिक साधारणसभा बस्दैछ।
हिमालयन लघुवित्त वित्तीय संस्था लिमिटेडको ६.६५ प्रतिशत बोनस शेयर र ०.३५ प्रतिशत नगद लाभांश पारित गर्न काठमाडौंको त्रिपुरेश्वरस्थित बोगनभिल्ला इभेन्ट्समा बिहान ११ बजेदेखि १४औँ साधारणसभा आयोजना हुँदैछ।
डिप्रोक्स लघुवित्त वित्तीय संस्था लिमिटेडले प्रस्ताव गरेको १० प्रतिशत बोनस शेयर र ५ प्रतिशत नगद लाभांश पारित गर्न चितवनको सौराहास्थित होटेल सेभेन स्टारमा बिहान १० बजेबाट २४औँ साधारणसभा बस्नेछ।
त्यसैगरी इमर्जिङ नेपाल लिमिटेडको ५.२६३१५ प्रतिशत नगद लाभांश पारित गर्न काठमाडौंको नयाँबानेश्वरस्थित **काठमाडौं ब्याङ्क्वेट प्रा.लि.मा बिहान ९:३० बजेदेखि १०औँ साधारणसभा आयोजना हुँदैछ।
सिनर्जी पावर डेभलपमेन्ट लिमिटेडले १० प्रतिशत बोनस शेयर र ०.५२६३ प्रतिशत नगद लाभांश पारित गर्न काठमाडौंको भाटभटेनीस्थित आम्रपाली ब्याङ्क्वेटमा बिहान ११ बजेदेखि १९औँ साधारणसभा डाकेको छ।
बुटवल पावर कम्पनी लिमिटेडको ६ प्रतिशत नगद लाभांश पारित गर्न काठमाडौंको बबरमहलस्थित कार्की ब्याङ्क्वेटमा दिउँसो २ बजेबाट ३३औँ साधारणसभा बस्दैछ।
यस्तै, कालिका पावर कम्पनी लिमिटेडले प्रस्ताव गरेको ७ प्रतिशत बोनस शेयर र ०.३६८४ प्रतिशत नगद लाभांश पारित गर्न चितवनको भरतपुरस्थित दियाले फूडल्याण्डमा बिहान ११ बजेदेखि १८औँ साधारणसभा आयोजना गर्दैछ।
आज हुने यी साधारणसभाहरूले सेयरधनीहरूका लागि लाभांश सुनिश्चित गर्ने अपेक्षा गरिएको छ।
