काठमाडौं। नेपाल(भारत सीमा क्षेत्रका भारतीय बजारबाट १०० सय रुपैयाँभन्दा बढीको सरसामना ल्याउन नपाइने भन्सार सम्बन्धी नयाँ व्यवस्थालाई हटाउन जनता समाजवादी पार्टी नेपालले माग गरेको छ।
हाल सीमावर्ती भारतीय बजारबाट किनमेल तथा भारतबाट आउनेले १०० रुपैयाँभन्दा माथिको सरसामान ल्याए भन्सार तिर्नुपर्छ।
यो व्यवस्थाले सीमावर्ती क्षेत्रका नेपाली नागरिक समस्यामा परेको भन्दै सरकारको आलोचना भइरहेका बेला जसपाका संरक्षक महन्थ ठाकुरले विज्ञप्ति जारी गर्दै नेपाल–भारतबीचको ऐतिहासिक र परम्परागत सम्बन्धलाई ध्यानमा राख्दै सरकारको निर्णय पुनर्विचार गर्न माग गरेका हुन्।
‘नागरिकको दिनानुदिनको जीवनयापनसँग सम्बन्धित किन मेलमा लगाइएको १०० को सीमा लगायत अन्य सामाजिक सांस्कृतिक, धार्मिक सम्बन्धमा खटास र नागरिकको दैनिक जीवनमा असर पर्ने कानुनी व्यवस्थाहरू यथा शीघ्र खारेजी गरी पुनः पहिलेको झैँ रीतिथिति कायम राख्न नेपाल सरकारसँग जोडदार माग गर्दछ ,’ जसपाले भनेको छ।
