काठमाडौं । भ्रष्टाचार, प्रशासनिक बेथिति र दर्ता नभएका सामाजिक सञ्जालमाथि सरकारले लगाएको प्रतिबन्धको विरोधमा आन्दोलनरत जेन–जीमाथि प्रहरीले रबरको गोली प्रहार गरेको छ।
आन्दोलनका क्रममा सहभागीहरूले प्रहरीको सुरक्षा घेर तोड्दै संसद भवन प्रवेश गर्ने प्रयास गरेपछि प्रहरीले नियन्त्रणका लागि गोली चलाएको जनाइएको छ। गोली प्रहारबाट एक दर्जन बढी प्रदर्शनकारी घाइते भएका छन् र उनीहरूलाई सिभिल अस्पतालमा उपचार भइरहेको छ।
त्यस्तै, आन्दोलनको क्रममा दुई जना प्रहरी पनि घाइते भएको प्रहरीले जनाएको छ। प्रहरीले घटनाको थप अनुसन्धान भइरहेको बताएको छ।
