काठमाडौं । जेनजी आन्दोलनका क्रममा मृत्यु हुनेको संख्या ३४ पुगेको छ। जनसंख्या तथा स्वास्थ्य मन्त्रालयले देशभरका विभिन्न अस्पतालबाट संकलन गरेको विवरणअनुसार यो तथ्याङ्क सार्वजनिक गरेको हो।
मन्त्रालयका अनुसार हालसम्म १ हजार ३६८ जना घाइते भएका छन्। तीमध्ये ३२१ जना अझै उपचाररत छन् भने ९४९ जना डिस्चार्ज भइसकेका छन्।
मृतकहरूमध्ये सिभिल अस्पतालमा ६, राष्ट्रिय ट्रमा सेन्टरमा ८, भेरी अस्पतालमा ५, एभरेष्ट अस्पतालमा ३, फ्रन्टलाइन अस्पतालमा ३, केएमसी अस्पतालमा २, बिपी कोइराला स्वास्थ्य विज्ञान प्रतिष्ठानमा २, बयोधा अस्पतालमा २, साथै त्रिवि शिक्षण अस्पताल, इलाम अस्पताल र बिएनसी अस्पतालमा एक–एक जनाको मृत्यु भएको मन्त्रालयले जनाएको छ।
यसैबीच, नयाँ बानेश्वरस्थित संसद भवन अगाडि प्रदर्शनकारीहरूले घेरा तोड्ने प्रयास गर्दा आन्दोलनकारी र प्रहरीबीच तीव्र झडप भएको छ।
