काठमाडौं । सुर्खेतको चर्चित धार्मिक शक्ति पीठ देउती बज्यै मन्दिर परिसरमा पुजारी मृत भेटिएकी छिन् । बुधबार बिहान मुख्य मन्दिरको पूर्वी ढोकामा ५० वर्षकी सरस्वती राजी मृत अवस्थामा भेटिएकी जिल्ला प्रहरी कार्यालय सुर्खेतले जनाएको छ।
कार्यालयका प्रवक्ता डिएसपी वीरेन्द्रवीर विश्वकर्माका अनुसार राजीको शव सलमा झुन्डिएको अवस्थामा भेटिएको छ। प्रहरी घटनास्थल पुगेर अनुसन्धान गरिरहेको उनले बताए।
अहिले प्रहरीले मुचुल्का उठाएर शवलाई पोस्टमार्टमको लागि प्रदेश अस्पताल पठाउने तयारी गरेको छ। मन्दिरको पूजापाठ बन्द गरिएको छ।
