काठमाडौं । नेपाली कांग्रेसका सभापति गगनकुमार थापाले कांग्रेसलाई गरेको विश्वासलाई अब भोटमा बदल्न कार्यकर्तालाई आग्रह गरेका छन्।
मंगलबार सुनसरीको झुम्कामा नेता तथा कार्यकर्तालाई सम्बोधन गर्दै थापाले आफूलाई गरेको विश्वास भोटमा परिणत गर्न आग्रह गरेका हुन्। ‘तपाईंहरूले कांग्रेस र मलाई विश्वास गर्नु भएको छ, माया गर्नु भएको छ। अब यो क्षेत्रबाट राजीव कोइराला दाइलाई भोट हालेर जिताइदिन आग्रह गर्दछु। बाँकी कुरा पूरा गर्नेछु,’ थापाले भने।
सुनसरी-२ बाट कांग्रेस नेता राजीव कोइरालाले प्रतिनिधि सभा सदस्यका उम्मेदवार बनेका छन्। उनको पक्षमा प्रचार गर्न थापा मंगलबार झुम्का पुगेका हुन्।
