काठमाडौं। प्रधानमन्त्री बालेन्द्र शाह बालेन नेतृत्वको पहिलो मन्त्रिपरिषद् बैठकले विभिन्न निर्णय गरेको छ। मन्त्रालयहरुमा सुधारात्मक भन्दै १०० निर्णय गरिएको छ।
यसबाहेक सरकारले भदौ २३ र २४ गतेको घटना सम्बन्धमा बनेको गौरीबहादुर कार्की आयोगको प्रतिवेदन कार्यान्वयनबारे निर्णय गरेको छ।
मन्त्रिपरिषद्ले सुरक्षाकर्मीको हकमा बाहेक प्रतिवेदन तत्काल कार्यन्वयन गर्ने निर्णय गरेको छ। सुरक्षाकर्मीको हकमा गरिएको सिफारिस अध्ययनका लागि समिति बनाउने निर्णय भएको सरकारका प्रवक्ता समेत रहेका शिक्षा मन्त्री सस्मित पोखरेलले बताए।
तत्कालीन प्रधानमन्त्री केपी शर्मा ओली, गृहमन्त्री रमेश लेखकसहितको हकमा भने तत्काल कार्यान्वयन गर्न निर्देशन दिने निर्णय भएको हो।
आयोगले सुरक्षाकर्मी बाहेक तत्कालीन गृह सचिव गोकर्णमणि दुवाडी र काठमाडौँका प्रमुख जिल्ला अधिकारी छविलाल रिजाललाई पनि कारबाही गर्न सिफारिस गरेको थियो।
