एजेन्सी । बमको धम्कीपछि कोलकाताबाट जयपुर आउँदै गरेको इन्डिगो एयरलाइन्सको विमानको जयपुरमा आपत्कालीन अवतरण गरिएको छ । यो विमानमा १८३ जना यात्रुहरू सवार थिए । विमान कोलकाताबाट जयपुर जाँदै गर्दा पाइलटले बमको जानकारी पाएपछि एयर ट्राफिक कन्ट्रोल सिस्टमसँग कुरा गरेर जयपुर विमानस्थलमा आकस्मिक अवतरण गराएका थिए ।
विमान अवतरण भएदेखि नै सीआईएसएफका कर्मचारीहरूले निरन्तर अनुसन्धान गरिरहेका छन् । उडान मंगलबार दिउँसो २ः५८ मा कोलकाताबाट जयपुरका लागि उडेको थियो । विमान बेलुका ५ः१९ मा जयपुर विमानस्थलमा अवतरण गर्ने तालिका थियो । तर पाइलटले समझदारी देखाएर विमानलाई जयपुर विमानस्थलको ट्याङ्गो ट्याक्सी क्षेत्रमा आकस्मिक अवतरण गराए ।
जयपुर एयरपोर्टमा बमको धम्की आउनुअघि भारतभरका १०० भन्दा बढी एयरपोर्टमा बमको धम्की आएको थियो, यो धम्की एयरपोर्टमा रहेको सीआईएसएफको आधिकारिक आईडीमा इमेल मार्फत पठाइएको थियो । जसमा ‘संसारको सबैभन्दा शक्तिशाली देशहरूसँग हामी एक्लै भिड्नेछौँ, हो, हरेक ठाउँमा हुनेछ, बूम… बूम… बूम’ भनेर लेखिएको थियो ।
त्यसपछि विशेषज्ञ टोलीले विमानको छानबिन गर्दा केही फेला पारेन ।
