काठमाडौं । हमास आतङ्ककारी आक्रमणपछि गाजामा बन्धक रहेका नेपाली विद्यार्थी विपिन जोशीको आमा र बहिनी १० दिनको बसाइपछि इजरायलबाट नेपाल फर्किएका छन्।
जोशीको रिहाइका लागि इजरायल सरकारले निरन्तर प्राथमिकता दिँदै अन्तर्राष्ट्रिय मञ्चमा मुद्दा उठाउँदै आएको छ। यस क्रममा जोशीकी आमा र बहिनीलाई विशेष पहलमार्फत नेपालबाट इजरायल ल्याई उच्चस्तरीय भेटघाटहरूमा सहभागी गराइएको थियो। उनीहरूले प्रधानमन्त्री, राष्ट्रपति, मन्त्रीदेखि सांसदहरूसम्म भेट गरी आफ्ना पीडा राख्ने अवसर पाएका थिए।
१० दिनको बसाइमा परिवारलाई विभिन्न सम्मेलन र सभा–समारोहमा पनि सहभागी गराइयो। यसले विपिनको मुद्दा अन्तर्राष्ट्रिय स्तरमा उजागर मात्र भएन, परिवारलाई मनोबल र आशा समेत प्रदान गरेको नेपाली समुदायले बताएका छन्।
तेलअविवदेखि जेरुशलमसम्म इजरायली नागरिकहरूले ‘ब्रिङ विपिन होम’ भन्ने नारासहित समर्थन जनाए। इजरायली जनताले नेपाली कामदारहरूको सुरक्षा र मनोबलका लागि सहयोग गर्दै आएको पनि नेपाली समुदायले सराहना गरेका छन्।
इजरायल सरकारले उनीहरूलाई उच्चस्तरीय भेटघाट र अन्तर्राष्ट्रिय कार्यक्रमहरूमा सहभागी गराउँदै विपिनको मुद्दा विश्वव्यापी रूपमा उठाएको थियो।
परिवारलाई मनोबल र आशा दिँदै नेपाली समुदाय र इजरायली नागरिकले ‘ब्रिङ विपिन होम’ अभियानमार्फत निरन्तर समर्थन जनाउँदै आएका छन्।
