हेटौंडा । बागमती प्रदेशका मुख्यमन्त्री बहादुरसिंह लामाले बुधबार मन्त्रिपरिषद् विस्तार गरेका छन्। लामाले तीन जना नयाँ मन्त्री नियुक्त गर्दै आंशिक मन्त्रिपरिषद् पुनर्गठन गरेका हुन्।
नयाँ नियुक्त मन्त्रीहरूमा गोविन्द लम्साल, माया श्रेष्ठ र गीता गुरुङ रहेका छन्। लम्साललाई आन्तरिक मामिला तथा कानुन मन्त्रालयको जिम्मेवारी दिइएको छ भने श्रेष्ठ र गुरुङको मन्त्रालय भने तोकिएको छैन।
यसअघि कांग्रेसले नेतृत्व गरेका ५ मन्त्रीले राजीनामा दिएपछि बागमती प्रदेशको मन्त्रिपरिषद् अपूर्ण बनेको थियो। साउन ९ गते चार मन्त्री र १३ गते एक मन्त्रीले राजीनामा दिएका थिए। उनीहरूले मुख्यमन्त्री लामाविरुद्धको अविश्वासको प्रस्तावमा हस्ताक्षर गरेका थिए।
मुख्यमन्त्री लामाको सरकार संकटमा परे पनि उनले तीन जना मन्त्री नियुक्त गरेर सत्ता समिकरण सन्तुलन गर्ने प्रयास थालेका छन्। तर श्रेष्ठ र गुरुङलाई कुन मन्त्रालय दिइने भन्नेबारे औपचारिक निर्णय भइसकेको छैन।
यस नियुक्तिले बागमती प्रदेशको राजनीतिक अवस्था केही हदसम्म स्थिर हुने अपेक्षा गरिएको छ, तर कांग्रेससहितको विपक्षी गठबन्धन अझै लामाविरुद्ध कडा मोडमा रहेको संकेत देखिएको छ।
