काठमाडौं। दुबई अन्तर्राष्ट्रिय विमानस्थलमा सबै यात्रु र कर्मचारीको सुरक्षा सुनिश्चित गर्न सावधानीस्वरूप उडान अस्थायी रूपमा स्थगित गरिएको छ।
दुबई सरकारका अधिकारीहरूका अनुसार विमानस्थल नजिकै लागेको आगो नियन्त्रणमा लिन प्रयास भइरहेको छ। प्रारम्भिक जानकारीअनुसार ‘ड्रोनसँग सम्बन्धित घटना’ का कारण इन्धन ट्यांकी प्रभावित भएपछि आगलागी भएको हो।
अधिकारीहरूले यात्रुहरूलाई आफ्नो उडानसम्बन्धी अद्यावधिक जानकारीका लागि सम्बन्धित एयरलाइन्ससँग सम्पर्क गर्न आग्रह गरेका छन्।
यसअघि अमेरिका–इरान युद्ध सुरु हुनुअघि दुबई अन्तर्राष्ट्रिय विमानस्थल अन्तर्राष्ट्रिय यात्रु आवागमनका हिसाबले विश्वकै सबैभन्दा व्यस्त विमानस्थलमध्ये एक मानिन्थ्यो। सन् २०२५ मा मात्र यहाँबाट करिब ९ करोड यात्रुले यात्रा गरेका थिए
