बुटवल। पूर्वपश्चिम राजमार्ग अन्तर्गत दाउन्ने सडकखण्डमा सवारी दुर्घटना हुँदा तीन जनाको मृत्यु भएको छ। १५ जना घाइते भएका छन्।
पूर्वबाट पश्चिमतर्फ जाँदै गरेको ना७ख ९३९८ नम्बरको ट्रकले लु२ख २३५१ नम्बरको बस र ना५ख २२७५ नम्बरको पिकअप गाडीलाई ठक्कर दिएको हो।
ट्रकले ठक्कर दिएपछि बस करिब १०० मिटर तल खसेको जिल्ला प्रहरी कार्यालय नवलपरासी पश्चिमलेले जनाएको छ।
दुर्घटनामा ज्यान गुमाएका रोल्पाको बागमाराका करिब २५ वर्षीय गोबिन बुढाको मात्र पहिचन खुलेको छ। अन्य दुई जनाको सनाखत भएको छैन । उनीहरुको शव जिल्ला अस्पतालमा राखिएको छ ।
दुर्घटनामा घाइतेहरुको लुम्बिनी सिटी अस्पताल बुटवल र स्थानीय चिसापानी अस्पतालमा उपचार भइरहेको छ।
