काठमाडौं। नेपाली बजारमा सोमबार सुनचाँदी दुवैको मूल्यमा गिरावट आएको छ। अघिल्लो दिन आइतबार सामान्य बढेको सुनको भाउ आज भने एकैदिन प्रतितोला २ हजार ८०० रुपैयाँले घटेको हो।
नेपाल सुनचाँदी व्यवसायी महासंघका अनुसार सोमबारका लागि सुनको मूल्य प्रतितोला २ लाख ८५ हजार २०० रुपैयाँ तोकिएको छ। आइतबार सुन प्रतितोला २ लाख ८८ हजार रुपैयाँमा कारोबार भएको थियो, जुन अघिल्लो दिनको तुलनामा ६०० रुपैयाँ बढी थियो।
सुनसँगै आज चाँदीको मूल्य पनि ओरालो लागेको छ। आइतबार प्रतितोला ४ हजार ४७५ रुपैयाँमा कारोबार भएको चाँदी सोमबार १०० रुपैयाँले घटेर ४ हजार ३७५ रुपैयाँमा किनबेच भइरहेको महासंघले जनाएको छ।
अन्तर्राष्ट्रिय बजारमा आज सुन प्रतिऔंस ४ हजार ७० अमेरिकी डलरको आसपासमा कारोबार भइरहेको छ, जसको प्रत्यक्ष प्रभाव स्थानीय बजारमा परेको हो।
