निगमले बढायो खाना पकाउने ग्यासको भाउ, महँगियो भान्सा

काठमाडौं। नेपाल आयल निगमले खाना पकाउने एलपीजी ग्यासको भाउ बढाएको छ।

खाना पकाउने एलपी ग्यास प्रतिसिलिन्डर १५० रुपैयाँका दरले बढेको हो। अब एउटा सिलिन्डर ग्यासको २ हजार १६० रुपैयाँ कायम भएको छ। आधा सिलिण्डर ग्यासको मूल्य १ हजार ८० तोकिएको छ

यसअघि पूरा सिलिण्डर ग्यासको मूल्य २ हजार १० कायम थियो भने आधा सिलिण्डरको १ हजार ५ रुपैयाँ कायम थियो ।

हवाइ इन्धन आन्तरिकतर्फ प्रतिलिटर ७ रुपैयाँले बढेको छ भने हवाइ इन्धन अन्तर्राष्ट्रियतर्फ काठमाडौंको लागि प्रतिकिलोमिटर अमेरिकी डलर ४६ ले बढेको निगमले जनाएको छ। त्यसैगरी हवाइ इन्धन अन्तर्राष्ट्रियतर्फ पोखरा र भैरहवाका लागि ब्रेकेभन पोइन्टमा बिक्री मूल्य कायम गरिएको छ।

पेट्रोल र डिजेल–मट्टितेलको मूल्य घटेको छ। शुक्रबारदेखि लागू हुने गरी नेपाल आयल निगमले पेट्रोल प्रतिलिटर २ रुपैयाँ र डिजेलमट्टितेल १२ रुपैयाँले घटाएको हो।