काठमाडौं। अमेरिकाका राष्ट्रपति डोनाल्ड ट्रम्पले सोमबार इरान परमाणु सम्झौताबाट बाहिरिने आफ्नो निर्णयको बचाउ गरेका छन्। उनले यस कदमले तेहरानलाई परमाणु हतियार हासिल गर्नबाट रोकेको बताए।
ट्रम्पले सामाजिक सञ्जाल प्लेटफर्ममा लेखेका छन्, ‘यदि मैले ओबामाको इरान परमाणु सम्झौता (जेसीपीओए अन्त्य नगरेको भए, इरानसँग तीन वर्षअघि नै परमाणु हतियार हुन्थ्यो।’
यो वक्तव्य त्यस्तो समयमा आएको हो जब अमेरिका-इजरायलले इरानसँग युद्ध सुरु गरेका छन्।
जाइन्ट कम्प्रिहेन्सिभ प्लान अफ एक्शन अर्थात् जेसीपीओए पूर्वराष्ट्रपति बाराक ओबामाको कार्यकालमा तयार गरिएको थियो। यसअन्तर्गत इरानको परमाणु कार्यक्रममा सीमा लगाइएका थिए र बदला स्वरूप प्रतिबन्धमा राहत दिइएको थियो।
ट्रम्पले आफ्नो पहिलो कार्यकालमा यस सम्झौताबाट अमेरिकालाई बाहिर निकालेका थिए।
ट्रम्पले आफ्नो हालिया पोस्टमा यस सम्झौतलाई अहिलेसम्मकै सबैभन्दा खतरनाक सम्झौता बताएका छन्। उनले भने कि यदि यो लागू नै रहिरहेको भए, आजको संसार पूर्ण रूपमा फरक हुने थियो।
उनले लेखेका छन्, ‘यसका लागि तपाईं बाराक ओबामा र जो बाइडेनलाई जिम्मेवार ठहराउन सक्नुहुन्छ।”
