काठमाडौं । भ्रष्टाचार तथा सम्पत्ति शुद्धीकरण मुद्दाका प्रतिवादी सहसचिव तीर्थराज भट्टराई २५ लाख रुपैयाँ धरौटी बुझाएर रिहा भएका छन्। विशेष अदालतले तोकेको धरौटी रकम बैंक ग्यारेन्टीमार्फत बुझाएपछि उनी रिहा भएका हुन्।
अख्तियार दुरुपयोग अनुसन्धान आयोगले भट्टराईसहित ७ जनालाई भ्रष्टाचार मुद्दामा प्रतिवादी बनाउँदै मुद्दा दायर गरेको थियो। त्यस्तै, भट्टराईसहित तीनजनाविरुद्ध सम्पत्ति शुद्धीकरणसम्बन्धी अलग मुद्दा दायर गरिएको थियो। अख्तियारले भ्रष्टाचार सम्बन्धी मुद्दामा ७९ लाख ८० हजार रुपैयाँ र सम्पत्ति शुद्धीकरण मुद्दामा १ करोड ३ लाख ७९ हजार ६ सय रुपैयाँ बिगो निर्धारण गरेको थियो।
अख्तियारले नियन्त्रणमा लिएर अदालतमा पेस गरेपछि विशेष अदालतका अध्यक्ष सुदर्शन देव भट्ट आणि सदस्य नारायणप्रसाद पौडेलको इजलासले भट्टराईलाई धरौटीमा रिहा गर्न आदेश दिएको थियो। तर न्यायाधीश दिल्लीरत्न श्रेष्ठले भने उनलाई पुर्पक्षका लागि थुनामा पठाउनुपर्ने फरक राय दिएका थिए।
तर बहुमतको आदेशबमोजिम भट्टराई तोकिएको धरौटी बुझाई रिहा भएका हुन्।
