काठमाडौं । नेपाल राष्ट्र बैंकले चालू आर्थिक वर्षको चार महिनाको आर्थिक तथा वित्तीय स्थितिमा आधारित विवरण सार्वजनिक गरेको छ ।
केन्द्रीय बैंकले बिहीबार सार्वजनिक गरेको विवरणअनुसार वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति ५.६० प्रतिशत रहेको छ । यस्तै, आयात ०.२ प्रतिशतले र निर्यात ४.२ प्रतिशतले बढेको छ ।
समीक्षा अवधिसम्म विप्रेषण आप्रवाह नेपाली रुपैयाँमा ९.१ प्रतिशतले बढेको छ भने शोधनान्तर स्थिति रु. २० खर्ब ५ अर्ब ८३ करोडले बचतमा रहेको छ । कार्तिक मसान्तसम्ममा कुल विदेशी विनिमय सञ्चिति अमेरिकी डलरमा १६ अर्ब ७० करोड रहेको छ । नेपाल सरकारको खर्च रु.४ खर्ब १५ अर्ब २ करोड र राजस्व परिचालन रु.३ खर्ब २३ अर्ब २४ करोड रहेको छ ।
