चन्द्रकान्त खनाल
रुपन्देही । सितारा बचत तथा ऋण सहकारी संस्थाको १७ औं वार्षिक साधारणसभा तथा छैठौं अधिबेशन शनिबार तिलोत्तमा सम्पन्न भएको छ । वार्षिक साधारणसभा तथा छैठौं अधिवेशनको उद्घाटन जिल्ला सहकारी संघका महासचिव दामोदर पंगेनीले गरेका थिए ।
सहकारीका अध्यक्ष मातृका ज्ञवालीको अध्यक्षतामा भएको सभामा बोल्दै प्रमुख अतिथि पंगेनीले नेपालमा रहेका ३१ हजार सहकारीमध्ये १ सय सहकारीमा समस्या सिर्जना भएको सबै सहकारीलाई एकै रुपमा तुलना नगरी वास्तविकता बुझ्न बचत कर्तालाई आग्रह गरे ।
दैनिक सहकारीको मात्र मिडियामा समाचार आउने भएको बताउँदै बचतकर्ताहरुले सहकारीको अवस्था कस्तो छ, बुझ्नुपर्ने बताए ।
सहकारी संस्थाले पनि आफ्ना बचत कर्ताहरूलाई सहकारी शिक्षा दिएर आफ्नो सहकारीको अबस्था बारे जानकारी गराउनुपर्ने बताए ।
पंगेनीले सहकारीहरू ऐन, नियम र कानून अनुसार सञ्चालन भएकाहरुमा कुनै समस्या नभएको समेत बताए । सितारा सहकारीमा कुनै समस्या नभएको वार्षिक प्रतिवेदन देखाएको उनले बताए ।
सहकारीका अध्यक्ष मातृका ज्ञवालीले सञ्चालक समितिको तर्फबाट अध्यक्षको प्रतिवेदन प्रस्तुत गर्दै गत वर्ष भन्दा सेयर संख्या थप भएको आर्थिक कारोवारमा मितव्ययिता अपनाइ यस वर्ष १८ं प्रतिशत लाभांस दिएको बताए ।
२०६४ सालमा २५ जनाबाट शुरु भएको यो सहकारीमा सदस्यको संख्या अहिले ७७० पुगेको र यस वर्ष थप गरी १ हजार बनाइने बताए । उनले सबै सेयर सदस्यहरुको बीमा गरिएको र सहकारीलाई मर्जर गर्ने प्रक्रियालाई यथावत राखिएको समेत बताए ।
लेखा संयोजक कमला काफ्ले ज्ञावालीले लेखा सुपरीवेक्षण प्रतिवेदन र कोषाध्यक्ष पिताम्बर खनालले आयव्ययको प्रतिवेदन र आगामी वर्षको लागि बजेट प्रस्तुत गरेका थिए ।
वार्षिक साधारण सभामा तथा छैठौं अधिवेशनमा बोल्दै सहकारीका सल्लाहकार यादव भण्डारी, शंकरनगर खानेपानी उपभोक्ता तथा सरसफाई संस्थाका अध्यक्ष झबिन्द्र भण्डारी, सहकारीका सदस्यहरुको तर्फबाट नारायण ज्ञावाली, मीन प्रसाद पोखरेल लगायतले संस्थाको थप प्रगतिको लागि शुभकामना राखेका थिए ।
जेष्ठ नागरिक कलाबती पोखरेल, कमान सहि खत्री, असल ऋणी कमला देबी गौतम, कक्षा १२ र उत्कृष्ट अंक ल्याउन सफल विद्यार्थी लगायतलाई सम्मान गरिएको थियो । मातृका ज्ञवालीको अध्यक्षता तथा उपाध्यक्ष रमेश पराजुलीको तथा दीपा थापाकोसभा सम्पन्न भएको थियो ।
अध्यक्षमा पुनः ज्ञवाली
१७ औं वार्षिक साधारणसभा तथा छैठौं अधिवेशनले पुनः मात्रिका ज्ञवालीको अध्यक्षतामा नयाँ समिति नयन गरेको छ । जसको उपाध्यक्षमा रमेश पराजुली सचिवमा धर्म प्रसाद न्यौपाने कोषाध्यक्षमा पिताम्बर खनाल रहेका छन् भने सदस्यहरुमा ज्ञान प्रसाद ज्ञावाली, दीपा थापा कृष्ण बहादुर थापा, पदम बहादुर पौडेल क्षेत्री र कमला ज्ञावाली काफ्ले रहेको निर्वाचन समितिका सदस्य झविन्द्र भण्डारीले बताए ।
त्यस्तै लेखा सुपरीवेक्षण समितिमा कृष्ण ज्ञवाली संयोजक सिता खनाल सदस्य र वासुदेव भण्डारी सदस्य रहेको भण्डारीले बताए ।
