काठमाडौँ । कांग्रेस नेता मोहम्मद अफताव आलमको स्वास्थ्य अवस्था अत्यन्तै गम्भीर बनेको छ। दुबै मिर्गौला फेल भएपछि उनलाई कृत्रिम स्वासप्रश्वास (भेन्टिलेटर)मा राखेर उपचार भइरहेको छ।
अस्पताल स्रोतका अनुसार, तिहारअघि देखि आईसीयूमा रहेका आलमको स्वास्थ्यमा सुधार आएको छैन। उनी कारागारबाट छुटेको केही दिनमै मस्तिष्कघात भइसकेको थियो।
माइतीघरस्थित अन्नपूर्ण न्यूरो अस्पतालमा उपचारपछि डिस्चार्ज भएका आलमलाई फेरि मिर्गौलाको समस्या देखिएपछि दसैंअगाडि केएमसी अस्पतालमा भर्ना गरिएको थियो। तर स्वास्थ्य अवस्था झन् बिग्रँदै गएपछि अहिले उनको स्वास्थ्य चिन्ताजनक बनेको अस्पतालले जनाएको छ।
